موقف فى حياتى
كنا راحين الدرس الفرنساوى زى العاده من سنه كدا
وطبيعى قبل الدرس الفرنساوى دا كان فى طقوس
اه طقوس
اميره جتلنا البيت قبل ما نروح الدرس وطبعا مرح غير عادى جنون هبل على شويه حفظ
اكيد مش كنا بنحفظ كنا بنعمل نفسنا بنحفظ
ورحنا الدرس
وللاسف ولاننا لانعلم ان فى شارع الاستاذ
يوجد ( بنت هبله )
ماشيين نهزر ونضحك ولا هاممنا
وفجأه
لقينا اطفال غريبه بتجرى علينا
من طيبه قلببنا
فكرنا ان الاطفال طيبين وجاييت يسلموا علينا بس
وللاسف جريو ورانا وعازين يضربونا
احنا طبيعى جرينا وقعدنا نضحك مزهولين من الموقف
كانوا اربع بنات صغيرين
عليا اتنين وعلى اميره اتنين
والحمد لله قدرت انى افلت من البنتين الى مسكوا فيا
وبعدت عنهم ولقتيت اميره لسه ممسوكه ومحتاره وبتضحك طبعا
ولانى صديقه صدوقه
رحت ابعدهم عنا
ويارتنى ما رحت
بعد ما خليت البنتين يسبوها
مسكوا فيا انا
ولان اميره ندله ( مش اوى يعنى )
خلعت ودخلت عند الاستاذ وقفلت الباب وراها
وانا بقى العيال مسكوا فيا ومش راضيين يسبونى
وانادى عليها يا بت افتحى العيال بتضربنى
ولا الهوا واقفه ورا الباب وقلته كمان وسيبانى بره انضرب
بس الحمد لله العيال زهقوا ومشيو وانا دخلت الدرس
واكيد اميره خدت تهزيق الله ينور
بس كان يوم لا ينتسى
الله يسامحك بقى يا اميره على اليوم دا
ليست هناك تعليقات:
إرسال تعليق